ചിത്രം:
ചില്ല്
ഗാനരചന :
ഓ എന് വി
സംഗീതം:
എം ബി ശ്രീനിവാസന്
ആലാപനം:
യേശുദാസ്
(c) youtube.com
ഒരു വട്ടം കൂടിയെന് ഓര്മ്മകള്
മേയുന്ന
തിരുമുറ്റത്തെത്തുവാന് മോഹം
ഒരു വട്ടം കൂടിയെന് ഓര്മ്മകള്
മേയുന്ന
തിരുമുറ്റത്തെത്തുവാന് മോഹം
തിരുമുറ്റത്തൊരു കോണില് നില്ക്കുന്നൊരാ
നെല്ലിമരമൊന്നുലുത്തുവാന്
മോഹം
മരമൊന്നുലുത്തുവാന് മോഹം
അടരുന്ന കായ്മണികള് പൊഴിയുമ്പോള്
ചെന്നെടുത്ത് അതിലൊന്നു തിന്നുവാന് മോഹം
സുഖമെഴും കയ്പ്പും പുളിപ്പും
മധുരവും
നുകരുവാനിപ്പോഴും മോഹം
തൊടിയിലെ കിണര്വെള്ളം കോരി
കുടിച്ചെന്തു മധുരമെന്നോതുവാന് മോഹം
എന്തു മധുരമെന്നോതുവാന് മോഹം
ഒരു വട്ടം കൂടിയാ പുഴയുടെ തീരത്തു
വെറുതെയിരിക്കുവാന് മോഹം
ഒരു വട്ടം കൂടിയാ പുഴയുടെ
തീരത്തു
വെറുതെയിരിക്കുവാന് മോഹം
വെറുതെയിരുന്നൊരു കുയിലിന്റെ
പാട്ടു കേട്ടെതിര്പാട്ടു
പാടുവാന് മോഹം
എതിര്പാട്ടു പാടുവാന് മോഹം
അതു കേള്ക്കെ ഉച്ചത്തില് കൂകും കുയിലിന്റെ
ശ്രുതി പിന്തുടരുവാന് മോഹം
ഒടുവില് പിണങ്ങി പറന്നുപോം
പക്ഷിയോട്
അരുതേ എന്നോതുവാന് മോഹം
വെറുതെയീ മോഹങ്ങൾ
എന്നറിയുമ്പോഴും
വെറുതെ മോഹിക്കുവാന് മോഹം
വെറുതെയീ മോഹങ്ങൾ
എന്നറിയുമ്പോഴും
വെറുതെ മോഹിക്കുവാന്
വെറുതെ മോഹിക്കുവാന് മോഹം
